天使心情

         由于依两日都无咩特别事，所以合埋一齐写咯。第5日，露露姐去左睇医生，话肩膀痛到死喔，所以我地无人理，得闲到系度睇书，等部机器搞完，我地就走得。

        第6日，露露姐终于蒲头。今日将第4批鸡肉样本全部刮完。我地好含羞搭搭甘问露露姐，星期六可以休息吗？（距地星期六要上半日班既），系我地甘盛意“拳拳”之下，距无得吾应承既，呵呵~~~

         星期六约左班人踢波，点知距地订12点到2点个场，晒到死咯。踢到死下死下甘，气都喘啊！

        今日似乎无咩特别，都系做脂肪抽提依个实验，跟住就刮鸡肉。寻日下午放工之后，见到班主任，距话如果可以的话，我地最好系畜牧所将毕业论文做埋。跟住今日就问阿靓女实验员LULU姐，距话OK噶，之前都有人罗脂肪抽提来做毕业论文。

        其实依个脂肪抽提实验，我地从头到尾流程都清楚，虽然未从头到尾都自己做，但系有LULU姐带住，我地每个步骤都做过，如果罗来做毕业论文都吾错，因为吾算难，而且要写的话，内容都可以写好多，主要系我地清楚整个过程。

        第2日实习，今日只右手尚未恢复，仲系好麻痹。

        去到实验室，继续粉碎果批鸡肉样本。跟住比阿靓女实验员叫停，距要教我地点做脂肪抽提依个实验。去到另一间室，有部好大D“脂肪 抽提仪”，隔离仲有个烘箱 。讲左好耐下，其实部机吾难用，不过就系耗时间，一次放6个样本，做一次前前后后要3个钟头，罗命咯。距话等我地熟手之后，就比我地自己做，听闻有400多个样本等住我地~~~

         跟住无咩做，就帮个靓仔做血清GSH分光度测试（其实吾知原理），距有60个样本要做，见我得闲，米帮下距做左20个咯。

       今日系实习第一日，6点45分就起身，刷牙洗面就吾讲啦，7点10分踩部单车，漂移去公司。7点30分到达，仲要半个钟，叹翻个早餐先。

       7点50分，去到办公室，人影都无个（果然系讲准时，D人到8点都吾翻工），惟有做企鹅啦。8点03分，传说中既马博士翻来了（带我实习既女仁兄），二话不说，马上带我去对面既实验室，认识下D人，同埋交带D人安排我做野。

       好在间间室都有空调，吾使甘热。实验室里面有位男实验员，应该阿HEAD来既，仲有两位女实验员，一个吾知乜水既师兄系度。有免费劳动力加入，刻不容缓，做野啦你，罗住一大袋经过干燥既鸡肉样品，先要手捏碎，再用一个比啤酒樽仲粗既玻璃樽将样品敲碎。期间仲帮手配个培养基，记录分光光度数据。一个上午就系甘过完了。

       寻日，高中班同学约出来食自助餐，系购书中心隔离既维多利广场5楼既食太郎。我梗系同阿龟一齐去啦，条粉肠竟然可以系黄金海岸游水果阵，跌左个眼镜落水池，稳吾翻，变左只盲龟添。

        实在估吾到今次聚会有成31个人去，但系选个位系面对面坐成一行，一字排开。好多人都成年无见过啦，好似泉，彬，安，翔甘，仲有D居然系毕业都依家先蒲头，例如VICKY，傻蓓，不过见翻你地，真系好开心。

        毕左业三年，大家都改变好多，当然啦，女既就越来越靓女，男既就越来越靓仔。坐埋一齐，倾翻当年旧事，有讲有笑，不过发觉阿妖讲野讲得最多~~哇咔咔咔~~食太郎D野食还可以啦，不过就好似款式不多哦。